Գերմանիայի Բունդեսլիգայի առաջնության 10-րդ տուրում Դորտմունդի «Բորուսիան» Գելզենկիրխենում հյուրընկալվեց «Շալկե-04»-ին եւ առավելության հասավ 3:1 հաշվով: Յուրգեն Կլոպի թիմի կազմում աչքի ընկան Օբամեյանգը, Շահինը եւ փոխարինման դուրս եկած Բլաշչիկովսկին: Շահինը Տիմո Հիլդեբրանդի դարպասը գրավեց Հայաստանի հավաքականի կիսապաշտպան Հենրիխ Մխիթարյանի փոխանցումից հետո:

30-րդ րոպեին «Բորուսիայի» դարպասին նշանակված 11 մետրանոցը չկարողացավ արդյունավետ իրացնել Քեւին-Պրինս Բոատենգը:

«Բորուսիան» 25 միավորով երկրորդ տեղում է: Առաջատարը Մյունխենի «Բավարիան» է, որը 3:2 հաշվով առավելության հասավ Բեռլինի «Հերտայի» նկատմամբ: 25 միավոր ունի նաեւ «Բայերը»:

Գերմանիայի առաջնություն, 10-րդ տուր

«Շալկե-04» - «Բորուսիա» Դ.՝ 1:3

Մաքս Մեյեր, 63 – Պյեր-Էմերիկ Օբամեյանգ, 14, Նուրի Շահին, 51, Յակուբ Բլաշչիկովսկի, 74