Դորտմունդի «Բորուսսիայի» հարձակվող Մարկո Ռոյսը կարծում է, որ իր թիմն ի վիճակի է կրկնել անցյալ մրցաշրջանի ձեռքբերումն ու դուրս գալ  Չեմպիոնների լիգայի եզրափակիչ։

««Բորուսսիայի»՝ ՉԼ եզրափակիչ դուրս գալը պատահականություն չէր։ Եթե մենք ցույց տանք մեր բոլոր ուժեղ կողմերը, ապա ընթացիկ մրցաշրջանում ևս որոշակիորեն շանսեր կունենանք կրկնելու այդ հաջողությունը։ Հնարավոր է՝ Չեմպիոնների լիգայում կրկին գերմանական եզրափակիչ ստացվի։  Գերմանիան այժմ ունի Եվրոպայում ամենատպավորիչ ֆուտբոլի առաջնությունը։ Վերջին երկու-երեք տարիներին գերմանական ֆուտբոլն անհավանական առաջընթաց է գրանցել»,-ասել է Ռոյսը։