«Բորուսսիայի» գլխավոր մարզիչ Յուրգեն Կլոպը «Արսենալի» հետ Չեմպիոնների լիգայի խմբային փուլի խաղից առաջ կայացած մամուլի ասուլիսի ժամանակ հայտարարել է, որ իր թիմը պետք է ամեն օր կատարելագործվի, բայց պարտադիր չէ, որ ամեն տարի եզրափակչում հանդես գա:

««Արսենալը» հաղթական ընթացքի մեջ է,  իսկ մենք ցանկանում ենք կանգնեցնել նրան: Մենք պետք է ամեն օր կատարելագործենք մեր խաղը, բայց պարտավոր չենք ամեն տարի դուրս գալ Չեմպիոնների լիգայի եզրափակիչ, ինչպես ցանկանում են երկրպագուները»,-ասել է Կլոպը:

Գերմանացի մասնագետը խոսել է նաև մրցակցի առաջատար ֆուտբոլիստներից Մեսութ Օզիլի մասին.

«Մեսութը շատ խելացի ֆուտբոլիստ է, նա կարող է խաղալ ցանկացած թիմում: «Արսենալը» նրա հետ բավականին ուժեղացել է: Առհասարակ, եթե հաշվի չառնենք մի քանի վնասվածքները, Արսեն Վենգերի թիմը շատ լավ տպավորություն է թողնում»: