«Բորուսսիայի» գլխավոր մարզիչ Յուրգեն Կլոպը մեկնաբանել է Բունդեսլիգայի 10-րդ տուրի հանդիպման ժամանակ ակումբի երկրպագուների պահվածքը։

«Ինչ-որ պահի սկսում եմ ամաչել մեր երկրպագուների նման պահվածքի համար»,-ասել է Կլոպը։

«Ես չեմ վախենում մեր երկրպագուներից։ Դերբիները միշտ ուղեկցվում են բուռն հույզերով, բայց ագրեսիան չպետք է դրսևորվի։ Մեր երկրպագուներին կոչ եմ անում այսուհետ իրենց կոռեկտ պահել»,-հայտարարել է «Բորուսսիայի» դարպասապահ Ռոման Վայդենֆելլերը, ով փորձում էր հանդարտեցնել երկրպագուներին։

Գերմանական Բունդեսլիգայի 10-րդ տուրի Դորտմունդի «Բորուսսիայի» և «Շալկե-04»-ի հանդիպման (3:1) մեկնարկը երեկ հետաձգվել էր հինգ րոպե ուշացումով, քանի որ դորտմունդյան ակումբի երկրպագուները դաշտ էին շպրտել տարբեր տիպի ծխացող ճայթրուկներ։