Գերմանական հեղինակավոր պարբերականներից «Ruhr Nachrichten»-ը և «Der Westen»-ը բարձր են գնահատել Հայաստանի ազգային հավաքականի կիսապաշտպան Հենրիխ Մխիթարյանի՝ «Շալկե 04»-ի դեմ ցուցադրած խաղը:

Հիշեցնենք, որ Գերմանիայի առաջնության 10-րդ տուրի շրջանակում կաացած այս խաղում դորտմունդյան ակումբը 3:1 հաշվով հաղթանակ տոնեց, իսկ Մխիթարյանը դարձավ 2 գոլային փոխանցման հեղինակ:

«Der Westen»-ը, գնահատելով Յուրգեն Կլոպի սաների ցուցադրած խաղը, Հենրիխ Մխիթարյանին տվել է ամենաբարձր՝ 1 գնահատականը և գրել.

«Հայ ֆուտբոլիստը իր առաջին դերբիում հրաշալի էր: Մեծ աշխատանք կատարեց պաշտպանությունում և մասնակցություն ունեցավ գոլերին: 3-րդ գոլի ժամանակ շատ տպավորիչ էր նրա անցումը»:

Նշենք, որ «Der Westen»-ի վարկածով դորտմունդցիների կազմում 2-րդ ամենաբարձր գնահատականը ստացել է դարպասապահ Վայդենֆելերը՝ 1.5: Ամենացածր գնահատականին արժանացել են Գրոսկրոյտցը և Դուրմը՝ 3.5:

«Ruhr Nachrichten»-ը ևս Հենրիխ Մխիթարյանին գնահատել է շատ բարձր՝ 2: Ստորև ներկայացնում ենք պարբերականի գնահատականները.

Ռոման Վայդենֆելլեր-2

Նևեն Սուբոտիչ-3.5

Մատս Հյումմելս-3.5

Մարսել Շմելցեր-4

Էրիկ Դուրմ-3

Սվեն Բենդեր-2.5

Նուրի Շահին-2

Հենրիխ Մխիթարյան-2

Մարկո Ռոյս-3

Կևին Գրոսկրոյտց-3

Ռոբերտ Լևանդովսկի-4

Պիեռ-Էմերիկ Օբամեյանգ-3.5

 

Հավելենք, որ գերմանական պարբերականները մեծամասամբ գնահատում են 6 բալանոց համակարգով: Ամենաբարձր գնահատականը համարվում է 1-ը, ամենացածրը՝ 6-ը: